【好好玩！自己捉蟹🦀嘅海鮮蒸氣鍋】
#醉辣鮮 #海鮮蒸鍋
今日懶媽拍拖去咗元朗新田購物城「醉辣鮮」食海鮮蒸氣鍋，因為我哋好鍾意食蟹🦀，所以毫不猶疑地揀咗「肉蟹放題2.0😍」，任食肉蟹、花甲、沙白同大蜆，套餐仲有蝦、鮑魚、生蠔同元貝等海鮮😋😋😋
餐廳安排咗我哋坐室外，仲好貼心咁借咗蚊怕水俾我哋噴，落咗餐之後，店員示意我哋自己去捉蟹，開頭都有啲驚，見到啲蟹爬黎爬去，好新鮮，捉蟹嘅時候我哋會睇吓個肚有冇黃色，係蟹公定蟹乸。肚圓則是雌蟹，肚尖的是雄蟹。捉完蟹，就俾店員洗，他們會一次過俾埋其他海鮮我哋。
等食其間，可以飲咗個老火湯同食溫泉蛋，仲有好嫩滑嘅即蒸蟲草花蒸雞！每枱有一張說明書，會說明每樣海鮮同食物要蒸幾多分鐘。
我哋捉蟹手勢唔錯🤣蟹膏好鮮甜。店員洗蟹需時，預好時間，就可以再食多啲。另外一讚嘅係鮑魚，真係好新鮮，係個海鮮盤到嘅時候仲識郁，蒸完即刻食嗰種鮮甜味係不得了🥰細粒嗰啲蜆都係我最愛，叫店員上左兩次，又整得快又好鮮甜。
個蒸氣鍋底層仲放咗海皇粥底，有鹹豬骨、芋頭、南瓜等，等到最後食就充滿海鮮味！之後紅豆紫米露糖水做完結，真係食到捧住個肚走🤣
懶媽提提大家💕，如果星期六、日去最好訂定位！下次要帶埋哲哲去捉蟹先！🤣
醉辣鮮
#新田購物城 #香港美食 #元朗美食
#親子blogger #hkblogger #全職媽媽#26m #親子日記 #hkmama #hkbaby #igkids #hkkids #懶媽親子育兒記
Search